शिर्डीमध्ये भाजपच्या एकदिवसीय अधिवेशनात केंद्रीय गृहमंत्री अमित शाह यांनी उद्धव ठाकरे आणि शरद पवार यांच्यावर तीव्र आरोप केले आहेत. त्यांनी महाविकास आघाडीवर आरोप करत म्हटले की, शरद पवार यांनी १९७८ मध्ये आणि उद्धव ठाकरे यांनी २०१९ मध्ये सुरू केलेले विश्वासघाताचे राजकारण महाराष्ट्रातील मतदारांनी पूर्णपणे नाकारले आहे. अमित शाह यांच्या या वक्तव्यावर ठाकरे गटाचे खासदार संजय राऊत यांनी तीव्र प्रतिक्रिया व्यक्त केली, आणि उद्धव ठाकरे यांना दगाबाज म्हणणे हे बाळासाहेब ठाकरे यांचा अपमान असल्याचे म्हटले. दुसरीकडे, मंत्री चंद्रशेखर बावनकुळे यांनी अमित शाह यांच्या शब्दांना समर्थन दिले, आणि ते योग्यच असल्याचे सांगितले.
शिर्डी येथील भाषणात केंद्रीय गृहमंत्री अमित शाह यांनी उद्धव ठाकरे यांच्यावर तीव्र टीका करत, २०१९ मध्ये त्यांनी विचारधारा बदलली आणि बाळासाहेब ठाकरेंच्या सिद्धांतांशी तडजोड केली, असा गंभीर आरोप केला. तसेच अमित शाह यांच्या मते, उद्धव ठाकरे फसवणूक आणि लबाडीच्या माध्यमातून मुख्यमंत्री बनले, आणि महाराष्ट्राने त्यांना त्यांची खरी जागा दाखवली. त्यांनी १९७८ पासून सुरु झालेल्या अस्थिरतेच्या राजकारणाचा उल्लेख करत, जनतेने त्यास संपवून टाकले असल्याचे म्हटले. यावर ठाकरे गटाचे खासदार संजय राऊत यांनी अमित शाह यांच्या वक्तव्यावर प्रतिक्रिया दिली, आणि उद्धव ठाकरेंना दगाबाज ठरवून बाळासाहेब ठाकरेंचा अपमान केला असल्याचे सांगितले.
संजय राऊत यांनी अमित शाह यांच्या आरोपावर प्रतिक्रिया देत म्हटलं की, “उद्धव ठाकरेंनी कधीच दगाफटका केला नाही, तर भाजपानेच गद्दारीला पाठिंबा दिला आहे. अमित शाह आणि नरेंद्र मोदी यांनी गद्दारीला खतपाणी घालण्याचं काम केलं आहे.” राऊत यांचा आरोप आहे की, आज अमित शाह बाळासाहेब ठाकरेंच्या शिवसेनेवर टीका करत आहेत. उद्धव ठाकरेंना दगाबाज म्हणणे हे बाळासाहेब ठाकरेंच्या आदर्शाचा अपमान आहे. दुसरीकडे, मंत्री चंद्रशेखर बावनकुळे यांनी अमित शाह यांच्या वक्तव्याला समर्थन देत ते योग्य असल्याचे सांगितले.
“अमित शाह यांनी १९७८ पासून महाराष्ट्रात फोडाफोडीचे राजकारण सुरू झाल्याचे सांगितले. २०१९ मध्ये उद्धव ठाकरेंनी आम्हाला धोका दिला, आणि त्याचा परिणाम महाराष्ट्राच्या जनतेला भोगावा लागला. महाराष्ट्राने २०२४ मध्ये स्थिर आणि मजबूत सरकार निवडले, कारण महाविकास आघाडीने जे फोडाफोडीच राजकारण केल, त्याच्यामुळे जनतेने भाजपला आशीर्वाद दिला आणि देवेंद्र फडणवीस यांच्या नेतृत्वात सरकार स्थापन करण्यासाठी पुन्हा एकदा आम्हाला साथ दिली.” असे चंद्रशेखर बावनकुळे यांनी अमित शाह यांच्या भाषणावर प्रतिक्रिया देताना म्हटलं.
चंद्रशेखर बावनकुळे यांनी अमित शाह यांच्या भाषणावर प्रतिक्रिया देताना सांगितले की, “अमित शाह यांनी काल जे बोलले, त्यात एक स्पष्ट संदेश होता. ज्यांनी महाराष्ट्राच्या जनतेसोबत बेईमानी केली, दगाफटका केला, मग ते उद्धव ठाकरे असतील किंवा शरद पवार यांची राष्ट्रवादी काँग्रेस असो, त्यांच्याबद्दल अमित शाह यांनी जे शब्द वापरले ते योग्यच आहेत. ते त्यांच्या कृत्यांमुळेच असे बोलले आहेत.”
